Ушбу мусобақанинг футбол беллашувларида Қашқадарё вилояти терма жамоаси саралаш баҳсларни муваффақиятли ўтказиб, мусобақанинг финал босқичига йўл олди.

Саралаш босқичида ёш футболчиларимиз ўз гуруҳларида дастлаб Сурхондарё вилояти терма жамоасини 2:0 ҳисобида мағлуб этган бўлишса, иккинчи учрашувда хоразмлик тенгқурларини йирик ҳисобда таслим этишди.

Мусобақанинг чорак финалида эса Нурали Султонов шогирдлари Бухоро вилояти жамоасига қарши майдонга чиқишди. Учрашувнинг асосий вақтида ҳисоб очилмагач, пеналтилар сериясида омад қашқадарёлик футболчилар томонида бўлди -5:4.

Энди ёш футболчиларимиз мусобақанинг Хоразмда бўладиган финал босқичида ғолиблик учун кураш олиб боришади. Финал босқичида Қашқадарё, Тошкент шаҳри, Фарғона ва Хоразм вилояти жамоалари йўлланмани қўлга киритишган.

Қувонарли томони, Қашқадарё вилояти шарафиини ҳимоя қилган вилоят терма жамоаси таркибида 14 нафар “Насаф” футбол мактаби тарбияланувчилари тўп тепишди.

-Мақсадимиз мусобақанинг финал босқичида ҳам муваффақиятли қатнашиб, чемпионликни қўлга киритиш, –дейди вилоят терма жамоаси мураббийи Нурали Султонов.

Нурали Султонов: “Мақсадимиз – чемпион бўлиш”