Бердиев "Ал Садд"ни 2-бор енгди

Рўзиқул ака 2018 йилги мавсумда ҳам Доха клубини таслим қилишни уддалаган эди. Ўшанда Азизжон Ғаниевнинг пенальтидан киритган ягона тўпи учрашув тақдирини ҳал қилган.

Бироқ...

"Насаф" ўз тарихида илк бор ОЧЛнинг 1 ўйинида 3 та гол уришни эплади. Охирги турда бемалол 4тага ҳаракат қилаверса бўлади.

Дебют гол

Ўйинда 2-голга муаллифлик қилган Норчаев турнирнинг финал босқичидаги илк тўпини киритди.

Шунингдек, у Чемпионлар Лигасида гол урган "Насаф" тарихидаги энг ёш футболчилардан бирига айланди.
1. Бобир Абдихолиқов (18 ёш)
2. Азизжон Ғаниев (19 ёш)
3. Ҳусайн Норчаев (20 ёш)

Дубль

Учрашув қаҳрамонига айланган Мозговой ҳам турнирда илк бор рақиб дарвозасига йўл топди. Шунингдек, Акмал Чемпионлар Лигасида дубль қайд этган "Насаф" тарихидаги 3-футболчига айланди. Олдинроқ бу бахт Артур Геворкян ҳамда Марко Станоевичга насиб қилган эди.

Тарихий ўйин

Сўнгги турда "Насаф"ни жуда ҳам муҳим баҳс кутиб турибди. Агар "Ал Виҳдат" 2-марта мағлуб қилинса, "Насаф" ОЧЛдаги очколар бўйича шахсий (2018 йил, 10 очколик) рекордини янгилайди. Бу эса ўз-ўзидан "аждарлар"га тарихда биринчи марта плей-офф йўлланмасини тақдим қилади. Омад тилаймиз!

Муаллифнинг бошқа фикрларини кузатиш учун телеграм-каналга аъзо бўлишни унутманг.

ОЧЛ. "Насаф"нинг ғалабасидан кейинги қизиқ фактлар