“Уч ярим йил “Анжи” сафида тўп тепдим. Мухлисларни, собиқ жамоадошларимни ва Доғистонни соғинаман.

“Анжи” мухлислари менга ёқади ва мен уларни жуда ҳурмат қиламан. Мен ва мухлислар орасида ҳеч қачон келишмовчиликлар бўлмаган. Улар доимо, ҳаттоки жароҳат олганимда ҳам қўллаб-қувватлашган. Улардан миннатдорман. Бошқа жамоа мухлислари мендан ҳафа бўлишмайди деган умиддаман, аммо “Анжи” мухлисларига тенг келадигани йўқ. Улар ўз жамоаси ва футболчиларини севишади. “Анжи” биринчи дивизионда эканлигидан афсусдаман. Бу дивизион жамоага ва мухлисларга мос эмас, улар премьер-лигага муносиб.

“Анжи”ни албатта кузатиб бораман ва улар учун қайғураман. Бу клубга омад ва премиер лигага қайтишини тилаб қоламан”.

- Сиз жамоа билан хайрлашишга улгурдингизми?
“Мавсум ўз ниҳоясига етганда, мен жамоадан кетишимни аниқ билмасдим. Шу сабабли ҳеч ким билан хайрлашмаганман. Бунга зарурат йўқ деб ўйлайман. Мени юрагим доимо “Анжи”да қолади. “Анжи” мухлислари, футболчилари ва раҳбарият билан учрашиб суҳбатлашиб тураман деган умиддаман. Бундай имконият яқин кунларда Австрияда пайдо бўлиши мумкин. Чунки “Анжи” ва “Краснодар” Австрияда йиғин олиб боришади”.

- Жаҳон чемпионатини кўраётган бўлсангиз керак? Қайси терма жамоага мухлислик қиласиз? Ёки алоҳида бирор бир футболчигами?
“Албатта Россия терма жамоасига мухлислик қиламан, чунки бу жамоада дўстларим Андрей Ешенко, Юрий Жирков, Олег Шатовлар ҳаракат қилишади.

Одил Аҳмедов: “Анжи” билан хайрлашмайман”