"Сардорлик боғичи Ўзбекистон терма жамоасида менга омад келтиряпти. Баҳрайнга қарши баҳсда жамоадошим етказиб берган тўпга чап оёқ билан зарба бердим, аммо тўп ўнг оёғимга тегиб йўналишини ўзгартирди ва рақиб даврозаси аниқ нишонга олинди. Омадим келди.

Бабаян билан нима ўзгарди? Биринчи навбатда Бабаян кучли психолог. У ҳаммани йиғиб бутун жамоа билан ва ҳар биримиз билан алоҳида суҳбатлашди. Ҳар бир футболчи учун керакли сўзларни топа олди ва ҳамманинг кайфияти кўтарилди. Йигитлар ўз кучига ишонганидан сўнг, натижа ҳам ижобий бўлди.

КХДРга қарши ўйин? Албатта, бу ўйин 6 очко учун бўлади. Ўзбекистондаги барча терма жамоа жаҳон чемпионатига чиқишини истайди, курашни давом эттириш учун эса гуруҳда биринчи ўринни эгаллаш керак. Шу сабабли мамлакатимиздаги барча ушбу ўйинни кутмоқда. Бизни фақат ғалаба қониқтиради. Шимолий Кореяга қарши иложи борича яхши тайёргарлик кўрмоқчимиз" - дейди Одил Аҳмедов.

Одил Аҳмедов: "Бабаян кучли психолог"