Ҳужумларга бой бўлган беллашувда жами еттита гол урилди.

Биринчи бўлимда “лочинлар” биринчи бўлиб ҳисобни очишга муваффақ бўлишди. Раҳматулло Бердимуродов ўз номига гол ёздириб қўйди. Бироқ, “Сўғдиёна” ўйинчилари ҳисобни тенглаштиришга эришишди. Кўрикдан ўтиш учун таркибга янги қўшилган украиналик легионер Руслан Качур эса биринчи таймда гол уриб, танаффусга жамоамизни 2:1 ҳисобида йўл олишини таъминлади.

Иккинчи бўлимда рақиб ҳисобни тенглаштириш тугул, бир тўп фарқи билан олдинга ўтиб олишни ҳам уддасидан чиқди. Аммо, “Сўғдиёна”нинг қувончи узоққа чўзилмади. Дилшод Жабборов гол уриб, “лочинлар”ни мағлубиятдан қутқарибгина қолмай, жамоамизнинг ғалаба тўпини ҳам урди. Якуний ҳисоб 4:3.

Эслатиб ўтамиз, “Навбаҳор” иккинчи даврага тайёргарлик мобайнида 12 июль куни “Машъал” (1:1) билан дурангга эришган бўлса. 14 июль санасида “Қизилқум” (1:0) мағлуб этилганди.

“Навбаҳор”: Дониёр Усмонов, Раҳматулло Бердимуродов (Ботир Тўрабоев, 46), Юрий Рижко (Омон-Биик Халилов, 46), Бобур Акбаров (Тохир Шамшитдинов, 46), Алишер Саматов, Элёр Жаҳонов, Дилшод Жабборов, Алишер Маҳмудов (Акбар Саттаев, 46), Роббим Ҳасанов, Руслан Качур (Собир Ҳамидов, 46).
Голлар: Р. Бердимуродов. Р. Качур, Д. Жабборов (2 та).

Ўртоқлик учрашуви: "Навбаҳор" - "Сўғдиёна" 4:3