Мазкур учрашувда икки жамоа мураббийлари ҳам янги келган футболчиларни синовдан ўтказиб олишди. "Қўқон-1912" жамоасидан Мурод Холмуҳаммедов ҳамда Ойбек Рустамовлар миллий терма жамоа йиғинида бўлишгани учун мазкур ўртоқлик учрашувини ўтказиб юборишди. Шунингдек жамоага янги қўшилган Асадбек Собиржонов ҳам Ўзбекистон олимпия терма жамоаси йиғинига чақирилди. Клубга янги келганлардан Анвар Ҳожимирзаев, Илҳом Ваҳобовга мураббийлар имконият тақдим қилишди. "Сўғдиёна" таркибида бугун аввал маълум қилганимиздек сербиялик ҳимоячи Лука Чермель ҳам кореялик По ён, ҳамда жиззахлик мухлисларга яхши таниш бўлган Асилжон Бегимқуловлар майдонга тушишди.

Учрашувнинг 23-дақиқасида Мухаммаданас Хасановнинг узатмасидан сўнг Анвар Хожимирзаев кучли зарбаси билан "Сўғдиёна" дарвозасига гол киритиб, ўйиндаги хисобни очишга эришди. Бўлим охирларига келиб эса ҳисоб тенглашди. Арсланмират Амановнинг жаримадан йўллаган зарбасидан сўнг , тўп қўқонликлар ҳимоячиси Бобур Акбаровга тегиб дарвоза тўридан ўрин олди. Ўйиннинг 56-дақиқасида Иқбол Маликжонов "Қўқон-1912"ни ҳисобда олдинга олиб чиқди. Амалда бу гол баҳсдаги сўнггиси бўлди.

Ўртоқлик учрашуви.

"Қўқон-1912" - "Сўғдиёна" 2:1

Голлар: Анвар Хожимирзаев (23), Иқбол Маликжонов (54) - Бобур Акбаров(авт,45)

"Қўқон-1912": Музаффар Абдуллаев, Славко Лукич, Бобур Акбаров, Иван Йосович, Александр Мерзляков, Анвар Хожимирзаев, Фарход Бекмуродов, Иқбол Маликжонов, Муҳаммаданас Хасанов, Шоҳназар Норбеков, Мўмин Мелиев

Захира: Хуршид Хўжаев, Элдор Адхамов, Авазхон Маматхўжаев, Илхом Ваҳобов, Сардор Азимов, Сардор Етовқўзиев, Жамшид Раҳматуллаев, Андрей Сидоров.

"Сўғдиёна": Ширинбой Абдуллаев, Асил Бегимқулов, Искандар Шойқулов, Жамшид Болтабоев, Элёр Орипов, Шаҳбоз Жўрабеков, Лука Чермель, Арсланмурот Аманов, Аюбхон Нўъмонов, По Ён, Шоҳруз Норхонов

Захира: Зафар Сафоев, Жасур Ҳасанов, Жавоҳир Қаҳрамонов, Баҳодир Насимов, Марко Колакович, Ойбек Нурматов, Саҳоб Рашидов, Даниель Насриддинов.

Ўртоқлик учрашуви. "Қўқон-1912" "Сўғдиёна"дан устун келди. Икки жамоада ҳам янги номлар бор