"Ўзбекистон кубоги, Суперкубоги ва ўтиш ўйинлари регламентининг 5.1-бандида кубок мусобақасининг ½ финалида ғолиб чиққан икки жамоа орасидан ўтган мавсум Суперлигадаги иштироки нисбатан яхшироқ бўлгани автоматик равишда финал учрашувининг номинал мезбонига айланиши қайд этилган.
Шундан келиб чиққан ҳолда Лига финал ўйини учун чипталар, афишалар, анонс ва постерларда Навбаҳор клубини мезбон сифатида акс эттиради. Финал нейтрал майдонда ташкил этилаётганини инобатга олган ҳолда, унда жамоалар ҳаракат қиладиган либослар ранги Лига томонидан белгилаб олинди. 5-октябр куни Навбаҳор клуби ўзининг тўлиқ кўк рангдаги, Андижон эса тўлиқ қизил рангдаги либосларида майдонга тушади", - дейилади баёнотда.

Ўзбекистон Кубоги финалида жамоалар қандай рангдаги либосларда ўйнаши маълум қилинди