Иккала жамоанинг Суперлигадаги охирги рақиблари очко олиш борасида Чарли Кирк аҳволига тушмоқда. Қолаверса, "Пахтакор" тўртта клуб қолган бошқа мусобақада "ялтироққумғон"ни баланд кўтариш илинжида курашмоқда.

Жамоалар Суперлига доирасида 61 маротаба тўқнаш келишган. "Пахтакор"нинг ғалабалари сони сентябрь ойининг ҳар бир кунига лоппа-лойиқ келса, "Нефтчи"нинг муваффақиятлари сонини майдонда жами неча киши тўп тепишини яхши билган ишқибозлар тезда топишса, ажабмас. Дуранглар кўрсаткичини эса Иброҳим Ибрагимов орқали англашингиз мумкин. "Пахтакор"нинг урган голларини полиция рақами орқали осонгина пайқашингиз мумкин бўлса, "Нефтчи"да 6 ва унинг ёнида шу соннинг тўнкарилгани акс этган.

Туғилган кунини нишонлаётган одам истаган орзусини тилаганидек, биринчи даврадаги тўқнашувда "Пахтакор" "Нефтчи"га қарши баҳсда шу тилагини рўё келтириб, нақ тўрт маротаба тўпни дарвоза тўрига зиндонбанд қилди.

Тахмин. Турнир жадвали ва чемпионлик учун курашни инобатга олсак, бугун қиймати олти очкога тенг тўқнашув бўлиши кутилмоқда. Бироқ урушда ғолиб бўлмаганидек, икки жамоа беш очкодан бой бериши мумкин.

Эслатиб ўтамиз, учрашув Тошкентдаги "ЖАР" стадионида соат 19:00 да старт олади.

ЎзЭл Классикосига превью