Ikkala jamoaning Superligadagi oxirgi raqiblari ochko olish borasida Charli Kirk ahvoliga tushmoqda. Qolaversa, "Paxtakor" to'rtta klub qolgan boshqa musobaqada "yaltiroqqumg'on"ni baland ko'tarish ilinjida kurashmoqda.

Jamoalar Superliga doirasida 61 marotaba to'qnash kelishgan. "Paxtakor"ning g'alabalari soni sentyabr oyining har bir kuniga loppa-loyiq kelsa, "Neftchi"ning muvaffaqiyatlari sonini maydonda jami necha kishi to'p tepishini yaxshi bilgan ishqibozlar tezda topishsa, ajabmas. Duranglar ko'rsatkichini esa Ibrohim Ibragimov orqali anglashingiz mumkin. "Paxtakor"ning urgan gollarini policiya raqami orqali osongina payqashingiz mumkin bo'lsa, "Neftchi"da 6 va uning yonida shu sonning to'nkarilgani aks etgan.

Tug'ilgan kunini nishonlayotgan odam istagan orzusini tilaganidek, birinchi davradagi to'qnashuvda "Paxtakor" "Neftchi"ga qarshi bahsda shu tilagini ro'yo keltirib, naq to'rt marotaba to'pni darvoza to'riga zindonband qildi.

Taxmin. Turnir jadvali va chempionlik uchun kurashni inobatga olsak, bugun qiymati olti ochkoga teng to'qnashuv bo'lishi kutilmoqda. Biroq urushda g'olib bo'lmaganidek, ikki jamoa besh ochkodan boy berishi mumkin.

Eslatib o'tamiz, uchrashuv Toshkentdagi "JAR" stadionida soat 19:00 da start oladi.

O'zEl Klassikosiga prevyu