ОКМК - "АНДИЖОН"
3 март 2024 йил. Олмалиқ, ОКМК спорт мажмуаси. 15:00
Бош ҳакам: Ғайрат Жўраев
Ёрдамчи ҳакамлар: Максим Нехочин, Расулжон Фозилов
Тўртинчи ҳакам: Умиджон Раҳимжонов
ВАР: Рустам Лутфуллин
АВАР: Розиябону Юсупова
Назоратчи: Константин Смирнов
Комиссар: Шерзод Ражабов.

Бу икки жамоа Суперлигада ҳозирга қадар 24 марта ўзаро ўйин ўтказишган. 16 бор Олмалиқ клуби зафар қучган. "Бургутлар" ҳисобида 4та ғалаба ва 4та дуранг бор. ОКМК бу жамоа дарвозасига 48та гол урган ва ўз дарвозасидан 28та гол ўтказиб юборган.

"Андижон" сўнгги бор 2011 йилги мавсумда бу рақибни мағлуб эта олган. Шундан кейин ўтган 16та ўйиннинг ҳеч бирида "бургутлар" ОКМК устидан ғалаба қозона олишмади: 12та мағлубият ва 4та дуранг

Фақат Олмалиқдаги ўйинларга эътибор қилсак: "Андижон" ўз тарихида ҳеч қачон Олмалиқда ғалаба қозона олмаган - 3та дуранг ва 9та мағлубият. ОКМК ўз майдонидаги охирги учта ўйиннинг барчасида 3 очко соҳибига айланган.

Олмалиқда ўтган охирги 5та ўйин:
14.05.2023 ОКМК – "Андижон" 2:1
04.11.2021 ОКМК – "Андижон" 3:2
24.11.2020 ОКМК – "Андижон" 4:0
31.07.2019 ОКМК – "Андижон" 2:2
29.10.2016 ОКМК – "Андижон" 0:0

"ЛОКОМОТИВ" - "МEТАЛЛУРГ"
3 март 2024 йил. Тошкент, "Локомотив" стадиони. 17:15
Бош ҳакам: Олим Тўйчибоев
Ёрдамчи ҳакамлар: Алишер Раҳимқулов, Аваз Абдуллаев
Тўртинчи ҳакам: Достон Раҳмонов
ВАР: Акобирхўжа Шукуруллаев
АВАР: Кристина Середа
Назоратчи: Бахтиёр Тоғаев
Комиссар: Владимир Назаров.

"Локомотив" ва "Металлург" бугунга қадар Суперлигада ўзаро 38та ўйин ўтказишган. "Темирйўлчилар" 20 марта ғалаба қозонишган, 6 марта бекободликлар зафар қучишган. Қолган 12та баҳсда ғолиб аниқланмаган. "Локомотив" мазкур ўйинларда 64та гол урган ва 36та гол ўтказган.

"Металлург" охирги 3та ўйиннинг ҳеч бирида бу жамоани мағлуб эта олмаган: 1та дуранг, 2та мағлубият. Агар фақат "Локомотив" уйида ўтган ўйинларга эътибор қилсак "темирйўлчилар" сўнгги 4та учрашувнинг фақат биттасида ғалаба қозонишганини кўриш мумкин.

"Локомотив" майдонида ўтган охирги 5та ўйин:
12.11.2022 "Локомотив" – "Металлург" 3:1
11.05.2021 "Локомотив" – "Металлург" 1:3
15.06.2020 "Локомотив" – "Металлург" 0:3
15.09.2019 "Локомотив" – "Металлург" 1:1
31.10.2018 "Локомотив" – "Металлург" 1:0

Превью. "Андижон" ўз тарихида ҳеч қачон Олмалиқда ғалаба қозона олмаган, "Металлург" "темирйўлчилар"га қарши