OKMK - "ANDIJON"
3 mart 2024 yil. Olmaliq, OKMK sport majmuasi. 15:00
Bosh hakam: G'ayrat Jo'raev
Yordamchi hakamlar: Maksim Nexochin, Rasuljon Fozilov
To'rtinchi hakam: Umidjon Rahimjonov
VAR: Rustam Lutfullin
AVAR: Roziyabonu Yusupova
Nazoratchi: Konstantin Smirnov
Komissar: Sherzod Rajabov.

Bu ikki jamoa Superligada hozirga qadar 24 marta o'zaro o'yin o'tkazishgan. 16 bor Olmaliq klubi zafar quchgan. "Burgutlar" hisobida 4ta g'alaba va 4ta durang bor. OKMK bu jamoa darvozasiga 48ta gol urgan va o'z darvozasidan 28ta gol o'tkazib yuborgan.

"Andijon" so'nggi bor 2011 yilgi mavsumda bu raqibni mag'lub eta olgan. Shundan keyin o'tgan 16ta o'yinning hech birida "burgutlar" OKMK ustidan g'alaba qozona olishmadi: 12ta mag'lubiyat va 4ta durang

Faqat Olmaliqdagi o'yinlarga etibor qilsak: "Andijon" o'z tarixida hech qachon Olmaliqda g'alaba qozona olmagan - 3ta durang va 9ta mag'lubiyat. OKMK o'z maydonidagi oxirgi uchta o'yinning barchasida 3 ochko sohibiga aylangan.

Olmaliqda o'tgan oxirgi 5ta o'yin:
14.05.2023 OKMK – "Andijon" 2:1
04.11.2021 OKMK – "Andijon" 3:2
24.11.2020 OKMK – "Andijon" 4:0
31.07.2019 OKMK – "Andijon" 2:2
29.10.2016 OKMK – "Andijon" 0:0

"LOKOMOTIV" - "METALLURG"
3 mart 2024 yil. Toshkent, "Lokomotiv" stadioni. 17:15
Bosh hakam: Olim To'ychiboev
Yordamchi hakamlar: Alisher Rahimqulov, Avaz Abdullaev
To'rtinchi hakam: Doston Rahmonov
VAR: Akobirxo'ja Shukurullaev
AVAR: Kristina Sereda
Nazoratchi: Baxtiyor Tog'aev
Komissar: Vladimir Nazarov.

"Lokomotiv" va "Metallurg" bugunga qadar Superligada o'zaro 38ta o'yin o'tkazishgan. "Temiryo'lchilar" 20 marta g'alaba qozonishgan, 6 marta bekobodliklar zafar quchishgan. Qolgan 12ta bahsda g'olib aniqlanmagan. "Lokomotiv" mazkur o'yinlarda 64ta gol urgan va 36ta gol o'tkazgan.

"Metallurg" oxirgi 3ta o'yinning hech birida bu jamoani mag'lub eta olmagan: 1ta durang, 2ta mag'lubiyat. Agar faqat "Lokomotiv" uyida o'tgan o'yinlarga etibor qilsak "temiryo'lchilar" so'nggi 4ta uchrashuvning faqat bittasida g'alaba qozonishganini ko'rish mumkin.

"Lokomotiv" maydonida o'tgan oxirgi 5ta o'yin:
12.11.2022 "Lokomotiv" – "Metallurg" 3:1
11.05.2021 "Lokomotiv" – "Metallurg" 1:3
15.06.2020 "Lokomotiv" – "Metallurg" 0:3
15.09.2019 "Lokomotiv" – "Metallurg" 1:1
31.10.2018 "Lokomotiv" – "Metallurg" 1:0

Prevyu. "Andijon" o'z tarixida hech qachon Olmaliqda g'alaba qozona olmagan, "Metallurg" "temiryo'lchilar"ga qarshi