ФАКТЛАР

Дания ўзида ЕВРО финал босқичи доирасида биринчи учрашувни катта қизиқиш билан кутмоқда. Жамоа сардори Симон Кьер бу борада шундай фикр билдирди: "Биз босимни ҳис қиляпмиз, лекин бу ижобий таъсир қилаётган босим!"

Ўз навбатида Финляндия умуман бу даражадаги биринчи ўйинига тайёрланмоқда. Финляндия мухлислари учун яхши янгилик - сардор Тим Спарв ва ҳужумчи Теему Пукки сафга қайтди.

"Даниядан кўп нарса кутишаётганидан хабардормиз, лекин биз охиригача курашамиз", - деди Спарв.

ҚИЗИҚ СТАТИСТИКА

Дания ўз майдонида Финляндияга қаторасига 21 ўйиндан буён мағлуб бўлмаяпти - серия 1949 йилдан буён давом этмоқда (18 ғалаба, 3 дуранг).

ТАХМИНИЙ ТАРКИБЛАР

Дания: Шмейхель; Меле, Кьер, Кристенсен, Васс; Эриксен, Хейбьерг, Дилейни; Поульсен, Долберг, Брейтвейт

Финляндия: Градецки; О'Шонесси, Араюури, Тойвио; Уронен, Камара, Спарв, Лод, Райтала; Пукки, Похьянпало

БОШ МУРАББИЙ ФИКРЛАРИ:

Дания терма жамоаси устози Каспер Юльманн: "Биз кўп бор [Босния ва Герцеговинага қарши ўртоқлик ўйинида] финнларга қарши биринчи ўйинда дуч келадиган вазиятдан ўтдик. Биз яна ўша вазифаларни бажаришимиз талаб қилинади: рақиб ҳимоясига "калит топиш" ва уларга қарши ҳужумда ўйнашга бермаслик".

Финляндия терма жамоаси устози Маркку Канерва: "Дания - жуда яхши жамоа. Уларнинг охирги ўйинларига қарайдиган бўлсак, ўйин борасида ўсишга эришганини ва кўплаб голлар урганини кўриш мумкин. Уларда индивидуал маҳоратли кўплаб футболчилар ва ишончли ҳимоя чизиғи бор. Қўшимчасига Дания ўз уйида ўйнайди. Бироқ биз номдорроқ рақибларга қарши ўйинда ҳам муносиб ўйин кўрсата олишимизни исботлашимиз зарур".

Дания - Финляндия
12 июнь 2021 йил. Копенгаген. "Паркен" стадиони. 21:00
Бош ҳакам: Энтони Тейлор (Англия)
Қанот ҳакамлари: Гэри Бeсуик ва Адам Нанн (иккиси Англия)
Захира ҳаками: Сандро Шерер (Швейцария)
VAR ҳаками: Стюарт Эттуэлл (Англия)
VAR ҳаками ёрдамчилари: Крис Кэванах (Англия), Фииппио Мели (Италия), Марко Ди Белло (Италия).

Омонжон Тўхтамирзаев тайёрлади

Превью. Дания - Финляндия: 72 йиллик анъана бузилади-ми?