FAKTLAR

Daniya o'zida EVRO final bosqichi doirasida birinchi uchrashuvni katta qiziqish bilan kutmoqda. Jamoa sardori Simon Ker bu borada shunday fikr bildirdi: "Biz bosimni his qilyapmiz, lekin bu ijobiy tasir qilayotgan bosim!"

O'z navbatida Finlyandiya umuman bu darajadagi birinchi o'yiniga tayyorlanmoqda. Finlyandiya muxlislari uchun yaxshi yangilik - sardor Tim Sparv va hujumchi Teemu Pukki safga qaytdi.

"Daniyadan ko'p narsa kutishayotganidan xabardormiz, lekin biz oxirigacha kurashamiz", - dedi Sparv.

QIZIQ STATISTIKA

Daniya o'z maydonida Finlyandiyaga qatorasiga 21 o'yindan buyon mag'lub bo'lmayapti - seriya 1949 yildan buyon davom etmoqda (18 g'alaba, 3 durang).

TAXMINIY TARKIBLAR

Daniya: Shmeyxel; Mele, Ker, Kristensen, Vass; Eriksen, Xeyberg, Dileyni; Poulsen, Dolberg, Breytveyt

Finlyandiya: Gradecki; O'Shonessi, Arayuuri, Toyvio; Uronen, Kamara, Sparv, Lod, Raytala; Pukki, Poxyanpalo

BOSH MURABBIY FIKRLARI:

Daniya terma jamoasi ustozi Kasper Yulmann: "Biz ko'p bor [Bosniya va Gercegovinaga qarshi o'rtoqlik o'yinida] finnlarga qarshi birinchi o'yinda duch keladigan vaziyatdan o'tdik. Biz yana o'sha vazifalarni bajarishimiz talab qilinadi: raqib himoyasiga "kalit topish" va ularga qarshi hujumda o'ynashga bermaslik".

Finlyandiya terma jamoasi ustozi Markku Kanerva: "Daniya - juda yaxshi jamoa. Ularning oxirgi o'yinlariga qaraydigan bo'lsak, o'yin borasida o'sishga erishganini va ko'plab gollar urganini ko'rish mumkin. Ularda individual mahoratli ko'plab futbolchilar va ishonchli himoya chizig'i bor. Qo'shimchasiga Daniya o'z uyida o'ynaydi. Biroq biz nomdorroq raqiblarga qarshi o'yinda ham munosib o'yin ko'rsata olishimizni isbotlashimiz zarur".

Daniya - Finlyandiya
12 iyun 2021 yil. Kopengagen. "Parken" stadioni. 21:00
Bosh hakam: Entoni Teylor (Angliya)
Qanot hakamlari: Geri Besuik va Adam Nann (ikkisi Angliya)
Zaxira hakami: Sandro Sherer (Shveycariya)
VAR hakami: Styuart Ettuell (Angliya)
VAR hakami yordamchilari: Kris Kevanax (Angliya), Fiippio Meli (Italiya), Marko Di Bello (Italiya).

Omonjon To'xtamirzaev tayyorladi

Prevyu. Daniya - Finlyandiya: 72 yillik anana buziladi-mi?