«Машъал» (Муборак) – «Сўғдиёна» (Жиззах)
3 август. Муборак. Баҳром Вафоев номидаги стадион. 18:30.
Ҳакамлар: Ш. Қосимов (Тошкент), Р. Самандаров (Навоий), О. Жумаев (Навоий), А. Мўминов (Тошкент вилояти).
Назоратчи: Б. Галеев (Урганч).

“Машъал” ва “Сўғдиёна” олий лигада 19 бора тўқнаш келишган. Натижалар Муборак жамоасининг катта устунлигини кўрсатмоқда.

“Машъал” 10 марта бу жамоани таслим қилган. “Сўғдиёна” 4 марта ғалаба қозонган ва 5 бор дуранг ўйнаган. “Машъал” тўплар нисбатида ҳам устунликка эга – 29:17. “Газчилар” ўзаро ўйинларда 35, “Сўғдиёна” эса 17 очкони ўз ҳисобига ёзиб қўйган. Жиззахликларнинг нинг ўзаро ўйинлардаги энг йирик ғалабаси 3:0, “Машъал”нинг энг йирик муваффақияти 5:1га тенг.

Биринчи даврада “Сўғдиёна” майдонида бўлиб ўтган ўйинда дуранг қайд этилган. Мезбонлар вакили Сухроб Бердиевнинг биринчи бўлимда урган голига иккинчи бўлимда Зоҳир Қўзибоев жавоб берганди – 1:1.

Муборакда ўтган сўнгги беш учрашув:
21.05.2011 «Машъал» - «Сўғдиёна» 1:1
09.11.2009 «Машъал» - «Сўғдиёна» 2:0
02.11.2008 «Машъал» - «Сўғдиёна» 0:0
10.08.2006 «Машъал» - «Сўғдиёна» 3:0
15.04.2005 «Машъал» - «Сўғдиёна» 5:1

Ўзаро ўйинлар ҳақида факт: “Машъал” ўз майдонида беш бора “Сўғдиёна”дан устун келган. Учта учрашувда ғолибни аниқлашнинг имкони бўлмаган. Жиззах клуби сафардан фақат бир марта (2004 йил) уч очко билан қайтган.

ПРЕВЬЮ. «МАШЪАЛ» – «СЎҒДИЁНА»