«Олмалиқ» (Олмалиқ) – «Динамо» (Самарқанд)
21 май. Олмалиқ. “Олмалиқ” стадиони. 17:30
Ҳакамлар: Т. Тўхтасинов (Андижон), О. Абдувасилов (Тошкент), Н. Рўзимов (Тошкент), А. Жураханов (Андижон)
Назоратчи: А. Попов (Тошкент).

“Олмалиқ” ва “Динамо” олий лигада 12 бора тўқнаш келишган. Беш бор “Олмалиқ” зафар қучган, “арслонлар” 4та ўйинда ғолиб бўлишган. 3та ўйинда ғолиб аниқланмаган. Тўплар нисбатида эса тенглик - 14:14. Ўзаро ўйинларда “Олмалиқ” 18, “Динамо” 15 очкони қўлга киритган.

“Динамо”нинг ўзаро ўйинларда қозонган энг йирик ғалабаси – 4:2га тенг. “Олмалиқ”нинг энг йирик ғалабаси эса 3:1.

Ўтган мавсум Самарқанддаги баҳсда ҳисобни очиш ҳеч бир жамоага насиб этмаган - 0:0. Жавоб учрашувида голлар ёмғири кузатилган. Дастлаб Фаррух Шотурсунов ва Комил Шарофутдинов кетма-кет гол уриб ҳисобни 0:2 кўринишига келтиришган. Биринчи бўлимни ўзида Обид Жўрабоев ҳамда Дилявер Абибуллаев мувозанатни тиклашган. Сўнгги голни Зафар Полвонов ўз ҳисобига ёзиб қўйган - 3:2.

Олмалиқда бўлиб ўтган сўнгги беш учрашув:
23.10.2013 «Олмалиқ» - «Динамо» 3:2
25.06.2012 «Олмалиқ» - «Динамо» 1:2
13.08.2011 «Олмалиқ» - «Динамо» 1:1
05.08.2010 «Олмалиқ» - «Динамо» 3:1
04.04.2009 «Олмалиқ» - «Динамо» 1:0

Ўзаро ўйинлар ҳақида факт: Олмалиқдаги 6та ўйиндан учтасида “Олмалиқ” ғолиб бўлган, бир марта “Динамо” зафар қучган. Икки бор дуранг ҳисоби қайд этилган.

Превью. "Олмалиқ" - "Динамо"