«ОЛМАЛИҚ» - «НАСАФ»
8 ноябрь. Олмалиқ. “Олмалиқ” стадиони. 14:00
Ҳакамлар: Б.Намозов, Р.Шояхметов, Т.Гайнулин, Т.Тўхтасинов
Назоратчи: Р.Ишмурзин.

Натижалар “Насаф”нинг устунлигини кўрсатмоқда. Қаршиликлар 7 та ўйинда ғолиб бўлишган. 4 та ўйинда дуранг қайд этилган. “Олмалиқ” шу кунгача “Насаф”ни мағлуб эта олмаган. Тўплар нисбатида ҳам “Насаф” олдинда - 19:7. Ўзаро ўйинларда “аждарлар” 25 очкони, “Олмалиқ” эса 4 очкони қўлга киритган.

“Насаф”нинг ўзаро ўйинларда қозонган энг йирик ғалабаси – 4:0 га тенг. “Олмалиқ”да ғалаба йўқлиги ҳақида айтиб ўтдик.

Биринчи даврада Қаршида бўлиб ўтган баҳсда дуранг қайд этилганди. Зафар Полвонов ва Шахбоз Эркинов томонидан киритилган тўпларга ўйин сўнггида “аждарлар” сафида Илҳом Шомуродов ва Ботир Қораев жавоб беришганди – 2:2.

Олмалиқда бўлиб ўтган сўнгги беш учрашув:
03.08.2012 «Олмалиқ» - «Насаф» 0:1
22.10.2011 «Олмалиқ» - «Насаф» 0:0
16.05.2010 «Олмалиқ» - «Насаф» 0:0
29.06.2009 «Олмалиқ» - «Насаф» 0:2
27.09.2008 «Олмалиқ» - «Насаф» 1:1

Ўзаро ўйинлар ҳақида факт: Олмалиқда бўлиб ўтган бешта ўйиндан учтасида дуранг қайд этилган. Икки учрашувда “Насаф” ғалаба қозонган. “Олмалиқ” ўз майдонида бу рақибга атига битта гол урган. Охирги тўртта баҳсда “Олмалиқ” ўз уйида “аждарлар” дарвозасига йўл топа олмаган.

Превью. «Олмалиқ» - «Насаф»