«ҚИЗИЛҚУМ» - «НАВБАҲОР»
1 июнь. Навоий. "Ёшлар" спорт мажмуаси. 19:00
Ҳакамлар: И.Танташев, Р.Серазетдинов, Р.Шояҳметов, А.Раҳимов
Назоратчи: А.Попов.

Бу икки клубнинг йўллари олий лига ўйинларида 28 бор кесишган. Устунлик “Навбаҳор” томонида. 10та ўйинда наманганликларнинг қўли баланд келган бўлса, 7та учрашувда “Қизилқум” ғолиб бўлган. 11та баҳсда ғолиб аниқланмаган. Тўплар нисбати ҳам “Навбаҳор” фойдасига. “Лочинлар” шу кунга қадар ўзаро ўйинларда 36та гол киритиб ўз дарвозаларидан 27 марта тўп олиб чиқишган. Ўзаро ўинларда “Навбаҳор” 41 очкони, “Қизилқум” эса 32 очкони қўлга киритган.

“Навбаҳор” олий лигада “Қизилқум” устидан 4:0 ҳисобида ғалаба қозонган. Бу ўзаро ўйинлардаги наманганликларнинг энг йирик ғалабаси ҳисобланади. “Қизилқум”нинг ўзаро ўйинлардаги ушбу рақиб устидан эришган энг йирик ғалабаси эса 3:0га тенг.

Ўтган мавсумда “Навбаҳор” ҳар икки сафар 1:0 ҳисобида зафар қучган. Зарафшондаги илк баҳсда Рўзим Аҳмедов гол урган бўлса (0:1), Косонсойдаги беллашувда Ботирбек Тўрабоев ўз номини таблога ёздириб қўйган – 1:0.

“Қизилқум” майдонида бўлиб ўтган сўнгги беш учрашув:
14.04.2013 «Қизилқум» - «Навбаҳор» 0:1
21.11.2012 «Қизилқум» - «Навбаҳор» 1:1
16.04.2011 «Қизилқум» - «Навбаҳор» 0:0
08.05.2010 «Қизилқум» - «Навбаҳор» 1:0
23.05.2009 «Қизилқум» - «Навбаҳор» 1:0

Ўзаро ўйинлар ҳақида факт: Бу жамоалар ўртасидаги “Қизилқум” майдонида ўтган ўйинларда 5 марта дуранг қайд этилган. 5 марта “Қизилқум”, 4 марта “Навбаҳор” ғалаба қозонган.

Превью. "Қизилқум" - "Навбаҳор"