Кичик устунлик “Шўртан” томонида. 8та ўйинда ғузорликларнинг қўли баланд келган бўлса, 7та учрашувда “Қизилқум” ғолиб бўлган. 3та баҳсда ғолиб аниқланмаган. Тўплар нисбатида тенглик. Иккала жамоа 23та гол уриб ўз дарвозаларидан 23 марта тўп олиб чиқишган. Ўзаро ўинларда “Шўртан” 27 очкони, “Қизилқум” эса 24 очкони қўлга киритган.

“Шўртан” олий лигада “Қизилқум” устидан 3:1 ҳисобида ғалаба қозонган. Бу ўзаро ўйинлардаги ғузорликларнинг энг йирик ғалабаси ҳисобланади. “Қизилқум”нинг ўзаро ўйинлардаги эришган энг йирик ғалабаси эса 3:0га тенг.

2013 йил биринчи даврада Ғузорда ташкил этилган баҳсда Артурос Фоменконинг дубли “Шўртан”га ғалаба келтирганди. Зарафшондаги баҳсда Зафар Тўраев ва Наврўз Алимовнинг голларига Асрор Алиқулов жавоб берганди – 2:1.

“Қизилқум” майдонида бўлиб ўтган сўнгги беш учрашув:
05.10.2013 «Қизилқум» - «Шўртан» 2:1
01.07.2012 «Қизилқум» - «Шўртан» 2:0
25.08.2011 «Қизилқум» - «Шўртан» 3:2
26.10.2010 «Қизилқум» - «Шўртан» 3:1
09.10.2009 «Қизилқум» - «Шўртан» 2:2

Ўзаро ўйинлар ҳақида факт: “Қизилқум” ўз уйидаги 6та ўйинда зафар қучган. Битта учрашувда ғолиб аниқланмаган. “Шўртан” сафарда бу рақибни икки бор мағлуб эта олган. “Қизилқум” охирги бешта ўйинда ўз майдонида мағлуб бўлмаган.

Нарзулла Сайдуллаев тайёрлади

Превью. "Қизилқум" – "Шўртан"