6-турда “Б” гуруҳидаги ўйинларда сермаҳсуллик “А” гуруҳига нисбатан пастроқ бўлди. Сабаби 4та учрашувда 8та гол қайд этилганини кўриш мумкин.

Ўйинларнинг биринчи бўлимида 4та гол киритилди. Иккинчи таймда ҳам мухлислар яна 4та голга гувоҳ бўлди.

Мезбон жамоалар 7та гол киритди. Меҳмонда гол урган жамоа эса биргина “Хотира-79” жамоаси бўлганини аълоҳида қайд этиш лозим.

Ушбу турда энг кўп гол урган жамоа – “Шердор” бўлди. Самарқандликлар ўз уйида “Хотира-79”га қарши баҳсда 3та тўп киритишга муваффақ бўлди.

“Нурафшон”, “Зомин” ва “Ифтихор” жамоалари эса 6-турда ўз дарвозаси даҳлсизлигини сақлаб қолди.
Турнинг энг тезкор голи 12-дақиқада содир бўлди. “Нурафшон” ҳужумчиси Орипхўжа Абдухолиқов “Ёзёвон”га қарши кечган учрашувда биринчи бўлиб ҳисобни очишга эришди.

Аксинча турнинг энг сўнгги гол 85-дақиқада киритилди. Эътиборлиси ушбу дақиқада иккита гол киритилган. Олтиариқда кечган “Ифтихор” – “Локомотив-БФК” баҳсида ҳимоячи Ҳасанбой Эргашев меҳмонлар дарвозасини ишғол этиб, жамоасига ғалаба келтирган бўлса, “Зомин” – “Ғиждувон” ўйинида ҳам 85-дақиқада зоминликларнинг тўпурар ҳужумчиси Достон Тошматов ўз активига гол ёздириб қўйишга эришди. Қизиғи, учрашувнинг асосий дақиқаси тугашига 5 дақиқа қолганида киритилган ушбу голлар, мезбонларга уч очко келтирган.

“Б” гуруҳидаги иккита ўйинда биттадан пенальти кузатилди. Иккиси ҳам ноаниқ амалга оширилгани билан эсда қолди. Хусусан, “Шердор” ярим ҳимоячиси Муҳаммад Ражабов “Хотира-79” дарвозаси томон белгиланган пенальтини аниқ амалга ошира билмади. Шунингдек “Ёзёвон”нинг етакчи ўйинчиси Шаҳбоз Абдураҳмонов ҳам сафарда “Нурафшон” дарвозаси томон белгиланган 11 метрлик зарбани аниқ амалга ошира олмади.

Ушбу турда дублга эришган ягона футболчи – Санжар Аҳмедов бўлди. “Шердор” ҳужумчиси “Хотира-79”га қарши кечган учрашувда рақиб дарвозасига икки бор йўл топа олди. Унинг голлари жамоасига муҳим ғалабани тақдим этди.

6-турда кимлар гол урди?
1.Ҳасанбой Эргашев – “Ифтихор”.
2. Абдулла Набиев – “Шердор”.
3. Санжар Аҳмедов (2та) – “Шердор”.
4. Бобур Мамажонов – “Хотира-79”.
5. Орипхўжа Абдухолиқов – “Нурафшон”.
6. Руслан Беклич – “Нурафшон”.
7. Достон Тошматов – “Зомин”.

ПРО-Лига, “Б” гуруҳи. Энг тезкор гол ва бошқалар ҳақида