PRO-Liganing “B” guruhiga ham nazar tashlaydigan bo'lsak, bu yerda ham o'ziga yarasha jiddiy kurash kechayotganini ko'rish mumkin. Xususan davralar oralig'ida “Dinamo”dan “Sherdor”ga ko'chib o'tgan Maradona Safarov 19ta gol urib, shaxsiy ko'rsatkichlar bo'yicha peshqadamlardan biriga aylanib oldi.
Shuningdek u bilan bir xil natija ko'rsatib kelayotgan Oripxo'ja Abduxoliqov bilan Shoxjahon Abbosovning ham mavsum to'purari bo'lish uchun ishtaxasi yomon emas.
Jumladan, “Zomin” hujumchisi bo'lgan Abbosov huddi Maradona singari deyarli har bir uchrashuvda maydonni golsiz tark etayotgani yo'q.
Ularning eng yaqin takibchisi shubhasiz “Labsa” hujumchisi Bahrom Narzullaevdir. Buxorolik 25 yoshli futbolchi hisobida hozircha 16ta gol mavjud. Muxlislar yaxshi bilishsa kerak, Narzullaev mavsumni avvaliga “G'ijduvon” tarkibida boshlagandi va u yerda o'z aktiviga 6ta to'p yozdirib qo'yishga erishdi. “Labsa” safida esa Bahrom yana 10ta gol urib, to'purarlar poygasiga qo'shildi.
Ko'ramiz, bu borada kimning ko'proq omadi chopar ekan.
Bulardan tashqari “Nurafshon”ning yana bir to'purar hujumchisi Farruh Shotursunovning ham mavsum to'purari bo'lishga imkoniyati mavjud. O'z vaqtida Oliy liganing bir nechta jamoalarida o'ynab, mahoratini oshirgan Shotursunov bu yil mavsum to'purari bo'lishi uchun astoydil xarakat qilayotgani ko'rinib turibdi.
Ko'rib turganingizdek, “B” guruhida to'purarlar poygasi ayni avjiga chiqdi.
Sizningcha bu borada g'oliblik qaysi futbolchiga nasib etadi?
Futbolchi | Jamoasi | Gollar | Pen. |
Maradona Safarov | “Sherdor” | 19 | (1) |
Orifxo'ja Abduxoliqov | “Nurafshon” | 19 | (2) |
Shoxjahon Abbosov | “Zomin” | 19 | (2) |
Bahrom Narzullaev | “Labsa” | 16 | |
Farruh Shotursunov | “Nurafshon” | 15 | (2) |
Abdulla Nabiev | “Sherdor” | 12 |
