ПСЖ раҳбарияти футболчиларга Франция чемпионатидаги ғалаба шарафига айфон учун мўлжалланган олтин ғилофларни ҳадя қилмоқчи эмас.

Аввалроқ iDesign Gold томонидан ишланган махсус тўплам футболчиларга тақдим қилиниши ҳақида хабар берилганди.

"ПСЖ бу компанияга алоқадор эмас. Мазкур компания бизнинг номимиздан ўзини реклама қилиш учун ноқонуний равишда фойдаланмоқчи. Хабарларда биз iDesign Gold хизматларига мурожаат қилганимиз таъкидланмоқда. Бу нотўғри ва кишини чалғитувчи маълумотдир. Бу каби амалиётлар ПСЖ қадриятларига тўғри келмайди", — дейилади клуб матбуот хизматининг баёнотида.

ПСЖ ўйинчиларига айфон учун тилла ғилоф совға қилмайди