Гарчи ўйин ўртоқлик учрашуви мақомига эга бўлсада, жамоалар “дерби”да бор куч ва маҳоратларини ишга солишга интилишди. Қолаверса, ҳеч бир футболчи ўзини аямаган ҳолда ҳаракат қилди. Айнан шу сабабли Толибжонов икки нафар ўйинчини майдондан четлатишга мажбур бўлди. Ўртоқлик ўйини бўлганлиги сабабли, четлатилган футболчилар ўрнини бошқа ўйинчилар эгаллашди. Қўқондаги “Марказий” ўйингоҳда ўтказилган баҳс мухлисларда ҳам қизиқиш уйғотди. Шу сабабли, учрашувни 3000 атрофидаги ишқибозлар кузатишди. Жамоамиз гарчи меҳмонда тўп сурган бўлсада рақибга қараганда яхшироқ тайёргарликка эга эканлигини амалда исботлади. Бу ҳол ҳисобда ҳам ўз аксини топди. Биринчи бўлимда Мўйдин Мамазулунов ҳисобни очишга эришган бўлса танаффусдан кейин Шаҳбоз Эркинов ва Алишер Маҳмудовлар ҳам муваффақият қозониб, якуний натижани 3:0 бўлишини таъминлашди. Учрашувда бетоблиги туфайли Тоҳир Шамсиддинов майдонга туша олмади.

“Қўқон-1912” – “Навбаҳор” – 0:3 (0:1). 14 январ. Қўқон. “Марказий” ўйингоҳ.
Ҳакам: Р.Толибжонов.
“Навбаҳор”: Дониёр Усмонов, Бобур Акбаров, Алишер Саматов, Раҳматулло Бердимуродов, Дилшод Жабборов, Аъзам Алиев, Роббим Ҳасанов, Азим Аҳмедов, Илҳом Бойдадаев, Шаҳбоз Эркинов, Мўйдин Мамазулунов. Захирадан майдонга тушганлар: Хуршид Хўжаев, Сардор Теляков, Отабек Валижонов, Омон-Биик Ҳалилов, Иброҳим Исмоилов, Муҳаммад Расулов, Ғайрат Жўраев, Қаҳрамон Маҳаммаджонов, Анвар Ҳожимирзаев, Ботир Тўрабоев, Азиз Турғунбоев.
Голлар: М.Мамазулунов (44), Ш.Эркинов (56), А.Маҳмудов (66).
Четлатишлар: Б.Акрамов (39) – ОВалижонов (62).

"Қўқон-1912" - "Навбаҳор" назорат учрашувини 3000 мухлис кузатди