Кристоф Гальте шогирдалари янги мавсумга тайёргарликни Японияда олиб боришмоқда. Йиғин доирасида парижликлар учта ўртоқлик учрашуви ўтказишни режалаштирганди.

Ижтимоий тармоқларда собиқ ашаддий рақиблар, ҳозирда бир жамоа либосида тўп тепаётган Серхио Рамос ва Лионель Мессининг баҳслашуви муҳокамаларга сабаб бўлди.

Гап шундаки, машғулот пайти Мессига келаётган тўпни Рамос бартараф этишга уринади, аммо илдамроқ ҳаракат қилган аргентиналик ҳужумчи ундан ўзиб кетади ва дарвозага зарба йўллайди. Испаниялик ҳимоячи курашга кеч қолди ҳамда оёғини олиб қочолмади, натижада у Мессининг оёғини илиб олди. Шунга қарамасдан ўнг оёқда дарвозанинг паст бурчагига зарба бера олган Лео ўз уринишдан сўнг Рамосга норози кайфиятда нигоҳ ташлади ва у билан бир неча сўз айтишди.

Эслатиб ўтамиз, ПСЖ мазкур минтақадаги сўнгги ўйинида "Гамба Осака"ни 6:2 ҳисобида мағлуб этди.

Рамос ва Месси ПСЖ машғулотларида гап талашиб қолди