2 рақам дарвозабон учун нимани билдиради, бу рақамни биз билмайдиган томонлари борми?

Бугун биз дунё футболидаги ноодатий рақамларни танлаган футболчилар ҳақида маьлумотларни сизга тақдим этамиз. Дарвозабонлардан бошлаймиз.

Рожерио Сени, “Сан-Паулу”нинг собиқ дарвозабони

Афсонавий бомбардир-дарвозабон Бразилия клуби таркибида 1127та ўйин ўтказган, 855та гол ўтказиб юборган, аммо шу билан бирга 120та гол урган! 2005 йилда Рожерио Сени майдонда жуда ғалати бўлган, 618 рақам остида пайдо бўлди ва шу билан у ўз жамоасидаги олти юз ўн саккизинчи ўйинини нишонлади. Бундан кейин Сени рақамини ўзгартирди ва ҳозирги кунга қадар 1 рақамда эмас, 01 рақамда ўйнамоқда.

Витор Байя, “Порту” собиқ дарвозабони

Португалиялик футболчининг тариҳи оддий. Витор Байяга 99 рақам ёқарди ва клубдаги бутун фаолиятини шу рақам билан ўтказган. У фақат терма жамоада бошқа рақамда тушган. Витор терма жамоада одатий 1 рақам остида ўйнаган.

Кристиан Лупателли, “Фиорентина” собиқ дарвозабони

“Кеьво”нинг собиқ футболчиси ўз клуби дарвозасини 10 рақам остида қўриқлар эди. Лупателли “Рома”га ўтганидан сўнг ўз фантазиясини йўқотмаган ҳолда, ўзига 3 рақамни танлайди. Унга эьтироз билдириш қийин, чунки Кристиан ўз дарвозасини жуда яхши қўриқлар эди.

Лука Буччи, “Парма” тарбияланувчиси ва Италия терма жамоаси собиқ футболчиси

Буччи футболчи бўлган пайтларида деярли барча футболчиларни юзига тупурган. Ҳозирда “Парма”нинг дарвозабонлар мураббийи футболчилик даврларида нафақат жамоаларни, балки рақамларини ҳам кўп алмаштирган. У аввалига 10, кейин 7 ва ниҳоят 5 рақамда ўйнаган.

Эмир Спахич, “Байера” ҳимоячиси

Рус мухлислари яхши танийдиган Эмир Спахич Россияда фақатгина яхши ўйини билангина эмас, балки ўз рақамлари билан ҳам ёдда қолган. 2005 йилда “Торпедо” сафида у 1 рақамни танлаган. Кейинчалик эса футболчи бундай тажрибаларни амалга оширмай қўйди, ҳозирда эса Спахич “Байер” сафида 5 рақамда ўйнайди.

Симон Вукчевич, “Левадиакос” ярим ҳимоячиси

Вукчевич ўз вақтида қоратоғлик энг иқтидорли футболчилардан бири ҳисобланар эди, аммо футболчининг ўйини очилиб кетмади. Симон “Партизан”да ўйнаган пайтида 1 рақамни танлаган. Бунинг оқибатида Сербия футболи тарбияланувчиси жамоаларини ва рақамларини бир неча марта алмаштиради. Футболчи ҳозир “Левадиакос”да 99 рақамда ўйнайди.

Эдгар Давидс, Голландия терма жамоасининг собиқ ярим ҳимоячиси

Ким Эдгар Давидсни билмайди? Бу голланд футбол майдонида жуда ёрқин ўйин кўрсатган, фаолиятини тугатганидан сўнг эса мураббийлик йўлидан кетди. “Барнет”ни бош мураббийи бўлган Давидс, футболга қайтди ва 1 рақамга эгалик қилиб, ўйновчи мураббий мақомига эга бўлди. Авваллари “учар голланд” 38 рақамда ўйнаган.

Хишам Зеруали, Шотландиянинг “Абердин” клубида ўйнаган

Марокашлик футболчи ўз вақтида “Манчестер Юнайтед” футболчисига айланиши мумкин эди. “Абердин” шарафини ҳимоя қилган Зеруали мухлисларнинг ёқимтойига айланади. ФИФА фақат 1дан 99 гача бўлган рақамларда майдонга тушишни рухсат берган бўлсада, Хишам бутун мавсум давомида нол рақамида ўйнаган. Бунинг оқибатида футболчи “зеро” лақабига эга бўлади, “қизил иблислар” мухлислари эса иқтидорли ҳужумчини ўз жамоасига қўшиб олишни талаб қилишган. Зеруали 2004 йили автоҳалокатда оламдан кўз юмади.

Виктор Паралес, “Гвадалахара” футболчиси

Европадан фарқли ўлароқ Мексикада уч хонали рақамларда ўйнашга руҳсат этилган. Шу сабабли Виктор Пералес 143 рақам остида ўйнаган. Бу 2011/12 йилги мавсумда бўлган. Қизиқ, “Гвадалахар” ўртоқлик ўйинида “Барселона”га қарши ўйнаганида футболчи рақамини ўзгартиришига тўғри келган. Бунинг оқибатида Виктор 15 рақамда ўйнаган.

Иван Саморано, чилилик ҳужумчи

Чили футболчининг тирик афсонаси Мадриднинг “Реал” клубида 9 рақамда ўйнаган. У Миланнинг “Интер” клубига ўтганида ҳам бу ҳолат ўзгармаган, аммо кунлардан бир куни жамоага Роберто Баджо келади. Натижада 10 рақамда ўйнаган Роналдо 9 рақамга эгалик қилади, унинг ортидан Баджо “сўйлоқ”нинг рақамида майдонга тушадиган бўлади. Бундан сўнг чилилик футболчи ҳудди ўйинчоғидан айрилган болакайга ўхшаб қолди.Оҳир оқибат Иван 18 рақамни танлайди ва 1 билан 8нинг орасига қўшув белгисини чизиб қўйади.

Биксант Лизаразю, “Бавария” ва Франция терма жамоаси футболчиси

Ўз рақамининг сирини очган камсонли футболчилардан бири. Ажойиб ҳимоячи нега 69 рақамда ўйнашини сирини очди, бунга сабаб у 1969 йилда туғилгани экан. Лизаразю шу билан бирга бўйи 169 см ва оғирлиги 69 кглигини ҳам таькидлади.

Никлас Бендтнер, “Вольфсбург” ҳужумчиси

Даниялик футболчи 15 август куни “Вольфсбург” билан шартнома имзолади.
Бендтнер “тўпчилар” сафида 26 рақамини 52га алмаштирган. Дания терма жамоаси футболчиси ўз интервьюсида, 52 ўзгача сонлигини ва бу рақам унга омад олиб келишини айтган. Футболчи ҳатто мухлислар унинг номи остида сотиб олишган 26 рақамнинг харажатларини ҳам қоплашини таькидлаган.
Бу ҳаракатлар амалда ҳеч қандай фойда келтирмади.

Хави Гарсия, “Зенит” ярим ҳимоячиси

Сўнгги футболчимиз яқиндагина “оқ-кўклар” сафига келиб қўшилган Хави Гарсия. У “Зенит” билан 5 йилга мулжалланган шартномага имзо чекди. Хави 21 рақамда ўйнашига унинг дўсти сабаб экан. Испаниялик футболчининг дўсти Рубен де ла Ред 25 ёшида юрагидаги муаммолар сабабли футболни тарк этган ва 21 рақамда ўйнаган.

Жасур Асланов таржимаси

Рақам сеҳри? Футболчиларнинг ноодатий рақамлари