"Бунёдкор" ҳужумчиси клуб билан хайрлашди. У легионерга айланмоқда
Бугун Сербиянинг "Единство УБ" клуби Амирбек Саидов билан шартнома имзоланганини эълон қилди. Ушбу клуб ўтган мавсум Сербия Биринчи лигасида 30 ўйинда 52 очко жамғарган ҳолда иккинчи ўрин билан Суперлига йўлланмасини қўлга киритган. Янги мавсум Суперлигада қатнашади. Янги жамоасида 18 ёшли ҳужумчимизга омад тилаб қоламиз.
Маълумот учун, 18 ёшли ҳужумчи жорий мавсум "Бунёдкор" либосида 8 та ўйинда майдонга тушди ва 1 та гол урди.
