"Жамоамиз бўлажак мавсум олдидан навбатдаги трансферини эълон қилади!

Азизбек Холмуродов 2003 йил 18 сентябрь санасида Қашқадарёнинг Қарши шаҳрида таваллуд топган. Азизбек Холмуродов «Насаф» футбол клуби тарбияланувчиси ҳисобланади. Майдондаги жойлашуви ярим ҳимоячи. Шунингдек, иккала қанотда ҳам бирдек ҳаракатлана олади.

Футболчи 2023 йилги Суперлига мавсумида «Насаф» ва «Турон» жамоалари сафида умумий ҳисобда 11 ўйинда майдонда ҳаракат қилиб, 1та голли тўпузатмага муаллифлик қилган.

Азизбек Холмуродов шу кунга қадар Қаршининг «Насаф», Тошкентнинг «Олимпик» ва Яйпаннинг «Турон» жамоаларида тўп тепган.

Ёш иқтидорли футболчи бўлажак мавсумдан эътиборан «кончилар» шарафини ҳимоя қилади. ОКМК ва футболчи ўртасида 2 йиллик шартнома имзоланди.

ОКМК жамоасининг аҳил оиласи аъзосига айланган Азизбек Холмуродовга «кончилар» сафидаги фаолиятига омад ва муваффақият тилаб қоламиз!

ОКМК аҳил оиласига хуш келибсан, Азизбек!", — дейилади клуб хабарида.

Расман: Азизбек Холмуродов — ОКМК футболчиси