Жиззахнинг "Сўғдиёна" клуби яна бир тажрибали футболчини ўз сафига қўшиб олди. Жамоа Ўзбекистон миллий терма жамоаси собиқ аъзоси, маҳоратли ҳимоячи Егор Кримец билан шартнома имзолади. Ушбу келишув 2025 йилнинг охиригача амал қилади.

Маълумот учун: Егор Кримец ўтган мавсумни "Сурхон" жамоасида ўтказган. Футболчилик фаолияти давомида у "Пахтакор", "Пекин Гоан" (Хитой), "Навбаҳор" ва "Сурхон" каби клубларда ўйнаган. Миллий терма жамоадаги дебют учрашувини эса 2013 йилда ўтказган.

Эслатиб ўтамиз, Кримец ортда қолган мавсум "Сурхон" сафида Суперлига ва Ўзбекистон кубогида 8та ўйинда майдонга тушган.

Расман: Егор Кримец - "Сўғдиёна" футболчиси!