"Вакилларимиз сентябрь ойидаги ФИФА кунларида Болгарияга қарши учрашув ўтказиши режалаштирилганди. Бироқ мураббийлар штабининг қарорига кўра, вакилларимиз Америка Қўшма Штатларида йиғин ўтказадиган бўлди.
Сречко Катанец шогирдлари йиғин доирасида 10 сентябрь куни ФИФА рейтингида 11-ўринни эгаллаб турган АҚШ миллий терма жамоасига қарши ўртоқлик ўйинида майдонга тушадилар. Учрашув Миссури штати Сент-Луис шаҳридаги "CityPark" стадионида бўлиб ўтади", – дея хабар берди ЎФА.

АҚШ – Ўзбекистон

10 сентябрь. 03:30 (Тошкент вақти)

“CityПарк” стадиони. Сент-Луис

Маълумот ўрнида, мазкур баҳс жамоалар ўртасидаги илк ўзаро ўйин ҳисобланади.

Аввалроқ "Эшитдик-да" рукни остида Ўзбекистон АҚШ билан ўртоқлик ўйинида қатнашиши ҳақида хабар берган эдик.

Расман: Ўзбекистон МТЖ сентябрда АҚШ билан ўйнайди