"Бунёдкор" жамоаси билан ўтказилган учрашувдан сўнг Веско Стешевич вазифасидан озод этишларини сўраб, клуб раҳбариятига мурожаат этганди. Бугун "Металлург" раҳбарияти черногориялик мутахассис ва унинг ёрдамчиси Ненад Вукчевичнинг ўз ҳоҳишига кўра ишдан озод этиш борасидаги аризасини кўриб чиқди ва ҳар иккала мутахассиснинг сўровини қаноатлантириш юзасидан қарор қабул қилди.
Веско Стешевич "Металлург" рулига 2023 йилнинг март ойи охирида келганди. Унинг раҳбарлигида бекободликлар миллий чемпионат баҳсларида жами 32 та учрашувда майдонга чиқди.
2023 йилги мавсум: 22 ўйин, 7 та ғалаба, 6 та дуранг, 9 та мағлубият, тўплар фарқи – 24:26.
2024 йилги мавсум: 10 та учрашув, ғалаба йўқ, 6 та дуранг, 4 та мағлубият, тўплар фарқи – 8:12.
Аввалроқ Суперлигада кутилган истеъфо рўй бергани ҳақида хабар берган эдик.
Изоҳлар