"Bunyodkor" jamoasi bilan o'tkazilgan uchrashuvdan so'ng Vesko Steshevich vazifasidan ozod etishlarini so'rab, klub rahbariyatiga murojaat etgandi. Bugun "Metallurg" rahbariyati chernogoriyalik mutaxassis va uning yordamchisi Nenad Vukchevichning o'z hohishiga ko'ra ishdan ozod etish borasidagi arizasini ko'rib chiqdi va har ikkala mutaxassisning so'rovini qanoatlantirish yuzasidan qaror qabul qildi.

Vesko Steshevich "Metallurg" ruliga 2023 yilning mart oyi oxirida kelgandi. Uning rahbarligida bekobodliklar milliy chempionat bahslarida jami 32 ta uchrashuvda maydonga chiqdi.

2023 yilgi mavsum: 22 o'yin, 7 ta g'alaba, 6 ta durang, 9 ta mag'lubiyat, to'plar farqi – 24:26.

2024 yilgi mavsum: 10 ta uchrashuv, g'alaba yo'q, 6 ta durang, 4 ta mag'lubiyat, to'plar farqi – 8:12.

Avvalroq Superligada kutilgan istefo ro'y bergani haqida xabar bergan edik.

Rasman: Vesko Steshevich istefoga chiqdi