Бўшаб қолган ўринга номзод сифатида бир қатор номлар тилга олинаётганди. Бунга аниқлик киритиш мақсадида клуб вице-президенти Дониёр Ҳасановга мурожаат қилдик. Раҳбариятнинг айтишича, эндиликда “банкирлар”ни Бозоров-Хвостунов тандеми бошқариб боради.

Бунгача “НБУ-Осиё”да футболчи сифатида фаолият юритиб келаётган Александр Хвостунов жамоанинг нималарга қодирлигини жуда яхши билади. Лекин унда тегишли лицензия йўқ. Шу боис раҳбарият бошқарув постига Равшан Бозоровни олиб келишга қарор қилди.

46 ёшли мураббий эндиликда Хвостунов билан бамаслаҳат иш юритадиган бўлди. Бозоров бунгача “Локомотив” клуби қошидаги футбол мактабида ишлаб келаётганди. Энди мураббий биринчи лигада ишлайдиган бўлди.

Айтиш лозимки, Бозоров ва Хвостуновдан ташқари
“НБУ-Осиё” мураббийлар штабида Бахтиёр Қамбаралиев, Арслон Толипов ҳамда Дилшод Султонов сингари мураббийлар ҳам фаолият юритиб келмоқда.

Маълумотларга кўра, Абдумажид Тоиров ҳам жамоада ўйновчи мураббий сифатида ишламоқда.

Эслатиб ўтамиз, “НБУ-Осиё” жамоаси 12-турдан кейин турнир жадвалида 4-ўринни эгаллаб турибди.

Равшан Бозоров ҳақида қизиқарли фактлар

Исми фамилияси Равшан Бозоров
Туғилган йили 10 май 1968 йил
Туғилган жойи Термиз,
Бўйи 1.76 см
Амплуаси Ҳужумчи
Мураббий
Футболчилик фаолияти
Ўйнаган йиллари Жамоа Ўйин Гол
1986-1989 “Сурхон” (Термиз) 67 (20)
1990-1991 “Помир” (Душанбе) 41 (4)
1991 “Нефтчи” (Фарғона) 12 (1)
1992-1994 “Нефтчи” (Фарғона) 56 (18)
1995-1996 “Пахтакор” (Тошкент) 53 (29)
1997 “Нефтчи” (Фарғона) 25 (19)
1998-2002 “Динамо” Самарқанд 62 (34)
2002 “Машъал” (Муборак) 13 (9)
2003 “Локомотив” (Тошкент) ?? (??)
2004-2005 “Тўпаланг” (Саросиё) 24 (53)
2006-2007 “Локомотив” (Тошкент) 24 (9)
Миллий терма жамоада
1992-1997 Ўзбекистон МТЖ 26 (5)

Исломбек Рустамбеков.

Равшан Бозоров “НБУ-Осиё” бош мураббийи