Аввало барчани футбол байрами ва яқинлашиб келаётган баҳор айёми Наврўз билан табриклайман. Бугунги ўйинда ғалаба қозонган "Насаф" жамоасини ҳам шу муносабатда табриклаб ўтмоқчиман. Ўйин оғир кечди. Буни билардик ва ушбу баҳсда қарши ҳужум тактикаси қўллагандим. Лекин ўйлаган режаларимиз амалга ошмади.

"Насаф" ҳақли ғалабага эришди. Бу жамоа таркибида бир қатор тажрибали ва кучли футболчилар жамланишган. Улар бугун бизни тўпсиз қолдира олишди ва режаларимизни чиппакка чиқаришди. Асрор Алиқулов ва Зайниддин Тожиев каби футболчиларни захирада қолдирганим боиси, улар жамоамизга яқиндагина келиб қўшилишди ва табиийки жисмоний ҳолати талаб даражасида эмасди. Бу икки нафар футболчини аввалдан биламан ва уларни катта тажрибаси келгусида бизга кўп ас қотиши аниқ.

Олдимизга қўйилган вазифалар ҳақида гапирадиган бўлсам, иложи борича яхшироқ натижага ҳаракат қиламиз. Ўтган йилги натижани яхшилаш асосий вазифамиз.

"Насаф" жамоаси мавсумга яхши тайёргарлик кўргани билиниб турди. "Динамо" билан таққослаганда, улар мавсумга тайёргарликни олий даражада олиб боришди. "Насаф" клуби "Бунёдкор"дан кам жойи йўқ. Бу иккала жамоаларнинг савияси бир даражада деб ўйлайман.

Шаҳбоз Беғамов

Равшан Ҳайдаров: "Рақиб бизга ўйин бермади"