Ўйин ҳақида
- Бугунги ўйинда ғалабани ўз томонимизга оғдириб кетсак бўларди. Бунинг учун биринчи бўлимда юзага келган вазиятлардан унумли фойдаланишимиз лозим эди. "Нефтчи" жамоаси 5 ҳимоячи билан ўйнади. Бу жамоа билан ўйинларда вазият яратишнинг ўзи катта қийинчилик туғдиради. Етарлича вазиятлар ярата олдик, бироқ унумли фойдалана олмалик. Икки жамоа ҳам ғалабага лойиқ эмасдир. Шундай бўлса ҳам ўйин сифати мухлисларга манзур бўлди деб ўйлайман.
- Жавоҳир Сидиқов алмаштирилигига сабаб нима? Игорь Голбан майдонга тушиши ҳимоя марказини мустаҳкамлаш билан боғлиқми?
- 90 дақиқа ўйнаш осон эмас, шу боис Жавоҳир Сидиқов ўрнига янги кучни майдонга туширдик. Игорь Голбан майда деталлардаги бўшлиқларни тўлдириш мақсадида ўйинга қўшилди. "Нефтчи"нинг тезкор ҳужумларига қарши ўз режаларимиз бор эди.
- Чоловичнинг майдонга тушмагаганига сабаб нима?
- Суҳроб Нуруллов ўтган ўйинда ҳам яхши ҳаракат қилганди. Биз ротациялар қилиб борамиз, ҳар бир футболчига ўйин амалиёти керак.
- Икки жамоа ҳам чемпионлик учун курашда номи тилга олинади. Лекин ўйин ҳам шунга муносиб ўтдими?
- Назаримда ҳозир сиз ўйлаган ўйинни ҳеч қайси жамоа кўрсатиб бера олгани йўқ. Мавсум бошида турли камчиликлар кўзга ташланади. Жисмоний имкониятлар билан боғлиқ жиҳатлар кўп. Фикримча, ҳар икки жамоа ҳам чемпионлик учун кураша олади.
- Насруллаевнинг ҳолати қандай?
- Шерзод Насруллаев биз учун катта йўқотиш. Унинг майдонда бўлиши Ойбек Бозоровга ҳам анчайин эркинлик яратади. Шунингдек, Умар Эшмуродов ҳам бугун майдонга туша олмади, унга дам бердик.
- Рубин Хебайчи? Унинг ҳолати бўйича маълумот бера оласизми?
- Хебай айни дамда сербиялик мутахассислар билан даволанаяпти. Тез орада сафимизга қўшилади.
Изоҳлар