Ўйин ҳақида

- Аввало, мухлисларни бугунги ўйиндаги ғалаба билан табриклайман. Улар анчадан буён бу ерда катта футбол бўлмагани боис ўйинларни соғиниб қолишган экан. Шунингдек, клуб раҳбариятини, шаҳар ва вилоят ҳокимликларини ғалаба билан табриклайман. Ўйин ҳақида айтадиган бўлмам, руҳият билан боғлиқ вазият, кўрдингизлар, икки бўлим бир-биридан фарқ қилди. Биринчи бўлимда 3:0 ҳисобида олдинда эдик, иккинчи бўлимда деярли тўлиқ ҳимоявий услубда ўйнадик. Танаффусда йигитларга бўшашмаслик ҳақида айтгандим, барибир ўйин давомида йигитлар хотиржамликка берилишди.

- Биринчи бўлимдан фарқли равишда жамоа иккинчи бўлимда ҳимоявий услубга ўтди. Буни вазият тақозо этдими?

- Ҳа албатта, биз ўйиннинг боришидан келиб чиқиб ҳимоявий услубга ўтдик. Иккинчи бўлимда ҳам устунлигимизни кутгандик, аммо вазият ўзгариб кетди. Учрашувнинг 60-дақиқаларидан сўнг вазиятдан келиб чиқиб ҳимоявий услубга ўтдик.

- Трансферлар ойнаси очилган вақтда жамоага 2 та янги футболчи олиб келинди. Уларнино ўйинлари ҳақида нималарни айта оласиз?

- Ҳа, тўғри, биз трансферлар ойнаси вақтида 2 та футболчини сафимизга қўшиб олдик. Уларнинг бири бугун асосий таркибда майдонга тушди, бу футболчини "Олимпик" жамоасидан таклиф этганмиз. Иккинчисида жароҳат бор эди, кейинга ўйинларда албатта унга ҳам имкон берамиз.

Руслан Аҳмедов: "Иккинчи бўлимда ҳимоявий услубга ўтдик"