Ижодий гуруҳга иккита савол билан мурожаат қилдик:

1. "Классико"дан нималарни кутяпсиз?
2. Бугунги ўйин қандай натижа билан ниҳоясига етади деб ўйлайсиз ва нима учун?

Нарзулла Сайдуллаев

1. “Класико”дан чиройли ўйин кутаяпман. Иккала жамоа футбол ўйнашсин, жанглар керак эмас. Дунёнинг энг кучли икки футболчиси бугун битта майдонда ўйнашади, демак ажойиб ўйин бўлишини кутишга ҳақлимиз. Энг асосийси соат 01:00да уйқудан қолиб кўришга арзийдиган баҳс бўлсин.

2. Айни пайтда "Реал" кучлироқ. Ўйин борасида ҳам, ижрочиларнинг спорт формаси борасида ҳам. "Барселона" охирги ўйинларда жуда қийналди, сўнгги учрашувдан ташқари. Роналду "Олтин тўп"ни нега олганлигини исботлашга уриниши турган гап. Месси эса бунинг аксини кўрсатишга ҳаракат қилади.

Ўзим учун оғир бўлса ҳам ўйин Мадрид клубининг ғалабаси билан тугаса керак. Бундай бўлмаслигини жуда хоҳлайман, лекин реал олиб қарасак ҳозир "Реал" кучлироқ.

"СА" "Классико" олдидан. Нарзулла Сайдуллаев: "Уйқудан қолиб кўришга арзигулик баҳс бўлсин"