Ijodiy guruhga ikkita savol bilan murojaat qildik:

1. "Klassiko"dan nimalarni kutyapsiz?
2. Bugungi o'yin qanday natija bilan nihoyasiga etadi deb o'ylaysiz va nima uchun?

Narzulla Saydullaev

1. “Klasiko”dan chiroyli o'yin kutayapman. Ikkala jamoa futbol o'ynashsin, janglar kerak emas. Dunyoning eng kuchli ikki futbolchisi bugun bitta maydonda o'ynashadi, demak ajoyib o'yin bo'lishini kutishga haqlimiz. Eng asosiysi soat 01:00da uyqudan qolib ko'rishga arziydigan bahs bo'lsin.

2. Ayni paytda "Real" kuchliroq. O'yin borasida ham, ijrochilarning sport formasi borasida ham. "Barselona" oxirgi o'yinlarda juda qiynaldi, so'nggi uchrashuvdan tashqari. Ronaldu "Oltin to'p"ni nega olganligini isbotlashga urinishi turgan gap. Messi esa buning aksini ko'rsatishga harakat qiladi.

O'zim uchun og'ir bo'lsa ham o'yin Madrid klubining g'alabasi bilan tugasa kerak. Bunday bo'lmasligini juda xohlayman, lekin real olib qarasak hozir "Real" kuchliroq.

"SA" "Klassiko" oldidan. Narzulla Saydullaev: "Uyqudan qolib ko'rishga arzigulik bahs bo'lsin"