"Бу ўйин ОЧЛ савиясидаги ўйин бўлишига тайёр эдик. Рақиб чемпионатда юқори ўринлар учун курашмоқда. Йигитлар катта меҳнатни амалга оширишди, натижа эса таблода", - дейди Бабаян.

"Биринчи давра охирига қадар "Пахтакор"да ишлайман. Шундан сўнг ким мураббий бўлишини ҳал қилиб олинади. Клубнинг ўз тизими бор, бу ўз йўналишида давом этади".

"Биринчи бўлимдаги ўйинимизни иккинчи бўлимда ҳам кўрсатишга уриндик. Шунчаки ҳисобни сақлаб қолишга ҳам ҳаракат қилдик. Футбол вазиятларга боғлиқ, агар "Насаф" иккинчи голни урганида бутунлай бошқача ўйин бўларди".

"Насаф" чемпионлик учун курашаётган жамоалардан бири ҳисобланади. Жамоа анча яхши футболчилардан ташкил топган, яхши мураббийга эга".

"Насаф" сафида Гадоев, Геворкян, Суюнов, Муҳаммадиев... каби футболчилар асосий ролни ўйнашмоқда. Улар ўз терма жамоаларига номзод саналишади.

"Жамшид Искандеров ҳозирги кунда 50 фоизга тайёр. У жароҳатдан энди тузалди. Искандеров ўз савиясига чиқмади деган фикрга қўшилмайман, шунчаки у кутилмаганда жароҳатга йўлиқди".

"Александр Лобанов Ўзбекистонда туғилган ва шу юрт фарзанди ҳисобланади. Бироқ тушунмовчилик туфайли ҳозирда унда фуқоролик йўқ. У терма жамоада ўйнаши учун қўлдан келган ишни қиламиз".

Самвел Бабаян: "Бугун ОЧЛ савиясига тенг ўйин бўлди"