"Бугун биз учун жуда муҳим баҳс бўлди. Биринчи тур ўйинида ўз майдонимизда очко йўқотганимиз сабабли, бугун қандай қилиб бўлмасин ғалаба қозонишимиз керак эди. Йигитларнинг кўрсатган чиройли футболи ва ғалабадан кўнглим тўлди. Ўйин қизиқарли бўлди", - дея ўйин ҳақидаги фикрлари билан ўртоқлашди Самвел Бабаян.

- Мочинов Алибобони "Пахтакор"га қарши ўйнамаганини ўзаро келишувга асосан бўлгани билан боғлади. Бу қанчалик ҳақиқат?
- Алибобо Раҳматуллаев биз билан икки йиллик шартнома имзолаган эди. Кейинчалик эса Алибобо бу ерда ўйини қовушмаётганини ва бошқа жамоага қўйиб юборишимизни илтимос қилди. Бизни Алибобо Раҳматуллаев билан икки йиллик шартномамиз бор эди ва футболчини бошқа жамоага ўзимиз истаган нарҳда сотиш ҳуқуқига эга эдик. Бу бизнинг ҳуқуқимиз ҳисобланади. Бироқ уни "Бухоро"да бепул қўйиб юбораётганимизда оғзаки келишувга кўра, Алибобо Раҳматуллаев бизга қарши ўйнамаслигини сўраган эдик. Сабаби, у мавсум олди тайёргарликни тўлиқ биз билан ўтказди ва бизнинг ўйин услубимизни ва сир-асрорларимизни биларди. Шу боис уни бизга қарши ўйнамаслиги келишуви билан уни "Бухоро"га бепул бериб юбордик. Қувонарлиси шуки, ўзбек футболида шунақанги бир сўзли, мард инсонлар борлиги қувонарли. Бу келишув норасмий, оғзаки бўлганди ва "Бухоро" бу томонлама эркаклик қилганини таъкидлаб ўтган бўлардим.

Самвел Бабаян: "Чиройли футбол учун йигитларга раҳмат"