Бу ёғига Жаъфар Ирисметов шогирдлари учун ҳар бир очко олтинга тенг бўлади. Хусусан, бугун бўлиб ўтадиган "Обод" - "Навбаҳор" учрашуви ҳам олти очколик баҳсдир. Биз беллашувдан олдин мезбонлар ҳимоячиси Сардор Қаҳҳоровнинг фикрлари билан қизиқдик.

- Мен "Обод"га иккинчи даврада келиб қўшилган бўлсамда, қисқа вақт ичида ички муҳитга мослашиб кетдим. Сабаби, жамоада аҳил коллектив йиғилган. Футболчилар бир-бири билан жуда иноқ. Шунинг учун муҳитга мослашишим қийин кечмади. Қолаверса, жамоадошларимни қаттиқ ҳурмат қиламан. Бундай клубни олий лигадан тушириб юборишга ҳаққимиз йўқ. Боз устига, раҳбарият ҳам бизга ишониб, қўллаб-қувватлаб келмоқда. Биздан талаб қилинадигани шуки, навбатдаги ғалаба қозониб, олий лигадаги ўрнимизни сақлаб қолишимиз керак. Гарчи иккинчи давранинг ярмига келиб улгурган бўлсакда, ҳали имкониятимиз бор. "Навбаҳор" ҳам ҳурматга лойиқ рақиб. Бугунги баҳс муросасиз кечиши аниқ. Аммо бизни фақат ғалаба қониқтиради ва майдонга уч очко учун тушамиз.

"Обод" матбуот-хизмати

Сардор Қаҳҳоров: "Жамоани олий лигадан туширворишга ҳаққимиз йўқ!"