Bu yog'iga Jafar Irismetov shogirdlari uchun har bir ochko oltinga teng bo'ladi. Xususan, bugun bo'lib o'tadigan "Obod" - "Navbahor" uchrashuvi ham olti ochkolik bahsdir. Biz bellashuvdan oldin mezbonlar himoyachisi Sardor Qahhorovning fikrlari bilan qiziqdik.

- Men "Obod"ga ikkinchi davrada kelib qo'shilgan bo'lsamda, qisqa vaqt ichida ichki muhitga moslashib ketdim. Sababi, jamoada ahil kollektiv yig'ilgan. Futbolchilar bir-biri bilan juda inoq. Shuning uchun muhitga moslashishim qiyin kechmadi. Qolaversa, jamoadoshlarimni qattiq hurmat qilaman. Bunday klubni oliy ligadan tushirib yuborishga haqqimiz yo'q. Boz ustiga, rahbariyat ham bizga ishonib, qo'llab-quvvatlab kelmoqda. Bizdan talab qilinadigani shuki, navbatdagi g'alaba qozonib, oliy ligadagi o'rnimizni saqlab qolishimiz kerak. Garchi ikkinchi davraning yarmiga kelib ulgurgan bo'lsakda, hali imkoniyatimiz bor. "Navbahor" ham hurmatga loyiq raqib. Bugungi bahs murosasiz kechishi aniq. Ammo bizni faqat g'alaba qoniqtiradi va maydonga uch ochko uchun tushamiz.

"Obod" matbuot-xizmati

Sardor Qahhorov: "Jamoani oliy ligadan tushirvorishga haqqimiz yo'q!"