"Ўйин қийин бўлди. Рақибларда бир қанча вазиятлар бўлди", дея сўз бошлади мезбонлар бош мураббийи.

Бугунги ўйинда ўйлаган барча ишларимизни амалга ошира олмадик. Сатога келадиган бўлсак, у тартибли, яхши футболчи. У ҳали ўзининг тўлиқ имкониятларини кўрсата олгани йўқ. Бунга бир қанча нарсалар, жумладан, жароҳатлар ҳалал бермоқда.

Зуаги ва Шодиев? Шакер ватанига учиб кетди. Унинг жароҳати бор. Шу сабабли, уни ватанига қўйиб юборишга қарор қилдик.

Шодиевнинг операциясига 4 ҳафта бўлди. Ҳозирча ички имкониятлардан фойдаланиб туришга ҳаракат қилмоқдамиз.

Акбар Тўраевнинг ўрнини айни пайтда Зуҳуров эгаллаган. Унинг ҳаракатлари менга маъқул келмоқда. Дарвозабонлар мураббийи билан қайси посбонни ўйинга тайёр деб ҳисобласак, ўша майдонга тушади. Бугало бўлса Бугало, Акбар бўлса Акбар.

Бугунги ўйиннинг энг яхши футболчиси? Геворкянни айтишни истардим. Аммо, у бундан ҳам яхшироқ ҳаракат қила олади. Аниқ кимнидир ажратиб кўрсата олмайман. Гадоев ҳам яхши ўйин намойиш этди. Шунингдек, Зуҳуров ҳам.

Асосий таркиб учун барчада имконият бор. Мен машғулотларга қараб таркибни танлайман. Бекрич билан нима бўлаётганини тушуна олмаяпман. Рашидов ҳам ҳали ўзини кўрсатади. Биздаги муаммолар, руҳий томонлама.

Азиз Тўхтамуродов

Сергей Лушан: "Таркибни машғулотларга қараб танлайман"