Вакилларимиз кеча тожикистонлик тенгқурларига қарши иккинчи ўртоқлик учрашувида майдонга тушишди. Қизиқарли кечган баҳсда ҳамюртларимиз 2:1 ҳисобидаги ғалабани тантана қилди. Ушбу учрашувдан сўнг терма жамоамиз бош мураббийи Сервер Жепаров фикрлари билан ўртоқлашди.

"Мазкур беллашувда ғалабани ўз томонимизга оғдира олдик. Биринчи учрашувга қараганда яхшироқ ўйнаганимизни таъкидлаш жоиз. Болалар ҳимояда камроқ хатоларга йўл қўйишди. Қайсидир маънода ўзимизга ўхшадик. Тожикистон билан биринчи учрашувдан сўнг хатолар устида ишладик. Футболчиларга борларини беришлари учун раҳмат айтаман. Улар берилган вазифани яхши уддалашди. Албатта ишлашимиз керак бўлган айрим жиҳатлар йўқ эмас. Дейлик турли зоналарда тўпни назорат қилишда оқсаяпмиз. Ташкилотчилик шунчаки зўр бўлди. Халқаро ўйинда майдонга чиқиш катта тажриба беради. Кейинги режаларимиз саралаш баҳсларига пухта тайёргарлик кўриш",- дейди Сервер Жепаров.

Сервар Жепаров: "Тожикистон билан иккинчи учрашувда ўзимизга ўхшадик"