Ушбу баҳсларнинг бирида ҳакам томонидан жиддий хатога йўл қўйилди. "Рома" - "Боруссия" М ўртасидаги ўйин 1:0 ҳисобида якунланаётган эди. Қўшиб берилган дақиқаларда шотландиялик рефери Уильям Коллам тўп "Рома" ҳимоячиси Крис Смоллингнинг қўлига тегди деб ҳисоблаб, мезбонлар дарвозасига пенальти белгилади. 11 метрлик жарима зарбаси муваффақиятли амалга оширилди ва ҳисоб тенглашди.

Такрорий лавҳаларда тўп Смоллингнинг қўлига яқин ҳам келмагани, фақат юзга теккани кўринган. Футболчи шуни исботлашга уринди, аммо ҳакам қарорини ўзгартирмади.

Менхенгладбах клуби ушбу воқеага ўзгача реакция билдириб, "твиттер"га боши қўлдан ташкил топган мультфильм қаҳрамонини суратини жойлади.

"95-дақиқада бундай пенальти бериш мумкин эмас. Тўп Смоллингнинг юзига тегди, ўша ерда из қолди. Бундай жиддий хатони ҳазм қилиб бўлмайди. У натижани тўлиқ ўзгартириб юборди. Биз икки очко йўқотдик".

"Боруссия" устози нима деганини биласизми? "Ўша вазиятда менимча тўп қўлга тегмади, аммо нима ҳам қилардик. "Рома" мухлисларининг ғазабини тушуниб турибман, мен бундай пенальти қўймаган бўлардим. Бироқ Заньоло бурчакдан гол уришидан аввал офсайд бўлган эди" - дейди Марко Розе.

Ҳакам учрашувдан сўнг "Рома" вакиллари билан суҳбатда хато қилганини тан олиб, кечирим сўради. Аммо очкони қайтариб бергани йўқ.

Шармандалик! Ҳакам Европа лигасида жиддий хатога йўл қўйди