Войчех Шенсни "Барселона"га ўтишига рафиқаси қаттиқ туриб олганини тан олди. Польшалик дарвозабон ўтган мавсумда каталонияликлар сафига қўшилиб, фаолиятини қайта давом эттирди.

"Ота бўлиш, шубҳасиз, менинг ҳаётимдаги энг муҳим вазифадир. Уни қанчалик яхши уддалаётганимни билмайман, буни хотиним ва болаларимдан сўраган маъқул. Бу мен ўйнаган энг қийин ўйин, лекин у энг катта мамнуният келтиради.
Футболга қайтиш ва "Барселона"да ўйнаш мен учун аниқ танлов эмас эди. Мен бундай қилишни истамасдим. Мен ниҳоят уй ишларига ёрдам берадиган ва ўзини ота сифатида тўлиқ намоён қиладиган инсонга айланишга тайёрланаётган эдим. Аммо хотиним оёқ тираб туриб олди.
У буни мен учун ажойиб имконият деб билганми ёки шунчаки мени уйдан чиқариб юбормоқчи бўлганми, ҳозиргача билмайман. Қандай бўлмасин, у буни уддалади ва мен ундан жуда миннатдорман," - деди Шенсни.

Шенсни "Барса"га ўтишни хоҳламаганини ва бунга уни рафиқаси мажбур қилганини айтиб берди