"Сурхон" клуби ҳужумчиси Сильванус Нимели Озарбайжоннинг "Сумқайит" клубига ўтди. Озарбайжон клуби расман ушбу трансферни эълон қилди. Клуб Нимели билан 2 йиллик шартнома имзолаган. Битимда келишувни яна бир йилга узайтириш имконияти ҳам бор. Нимели "Сумқайит" клубида 99-рақамда ўйнайди.

Ҳужумчи бу мавсум бошида жароҳат олгач жуда кам ўйинда майдонга тушди. Ўтган мавсум футболчи "Сурхон" таркибида 30 ўйинда майдонга тушиб, 13 та гол ва 7 та ассист қайд этганди.

Эслатиб ўтамиз, 25 ёшли Нимели ушбу мавсум Суперлигада умумий ҳисобда 106 дақиқа майдонда ҳаракат қилди.

Сильванус Нимели расман янги клубга ўтди