Тошкент вақти билан соат 16:45да бошланадиган баҳс учун championat.asia сайти жамоаси ўзининг тахминий таркибини тузиб чиқди.

Айтиш керакки бу тахминий таркиб Яманга қарши ўтказилган машғулотларни кузатишимиз натижасида тузилди. Вадим Абрамов Яман билан ўйинга нисбатан иккита ўзгаришни амалга оширишини тахмин қиламиз. Тактик схема эса худди Яман билан ўйиндаги каби 4-3-3 кўринишида қолади.

Демак бугун дарвозани Элдорбек Суюнов эгаллайди.

Ҳимояда ўнг қанотда Хожиакбар Алижонов ўйнаса, чап қанотда катта эҳтимол билан Шароф Муҳитдинов ҳаракат қилади. Марказдаги тандем ўзгармайди: Тўхтахўжаев ва Ашурматов.

Таянч ярим ҳимояда Отабек Шукуров ҳаракат қилса, унинг ёнида Одил Аҳмедов ва Жамшид Искандеров тўп тепишларини тахмин қиламиз.

Ҳужумда қанотларда Ҳамдамов ва Машарипов ўйнашса, марказда Шомуродов ўйнайди.

Сингапур билан баҳс учун расмий таркиб учрашув бошланишига 1 соат қолганида эълон қилинади.

Сингапур билан ўйин учун тахминий таркибимиз