Олдинроқ, 32 ёшли ярим ҳимоячи "Барселона"га ўтишга яқин эканлиги эълон қилинганди.

Маълумотларга кўра, "Манчестер Сити" шартномаси 30 июнда якунланадиган Илкайни жамоада сақлаб қолмоқчи. Клуб шартномани 2 йилга узайтириш учун футболчига босим ўтказяпти. Буни Пеп Гвардиола хоҳлаяпти.

"Шаҳарликлар" Гюндоганга бўлган муносабатини ўзгартиришди ва энди "Барселона" футболчининг қарори ўзгариши мумкинлигидан ҳавотирланяпти.

Германия терма жамоаси хавбеки келаси ҳафтада якуний қарор қабул қилишини айтди. Ҳозир унинг қўлида 4та шартнома бор: "Манчестер Сити", "Барселона", "Арсенал" ва Саудия Арабистонидан.

"Кўк-анорранглилар" Илкайга 3 йиллик битим, бироқ кам маош таклиф қилмоқда, энг катта маошни Саудия клуби таклиф қиляпти.

"Сити" Гюндоганга босим ўтказяпти, "Барселона" эса ҳавотирда