Ўтган мавсумда Ўзбекистон кубоги учрашувлари доирасида “Орол” жамоаси сафида “Сўғдиёна”га қарши ўйнаган ҳамда ушбу жамоага бош мураббий бўлиб ишлаган Темур Турдиев эндиликда Александр Мочиновга ёрдамчи мураббий вазифасини бажаради. Машғулотлар замонавий ва қизиқарли тарзда олиб борилмоқда. Эрталабки машғулот футболчиларнинг жисмоний ҳолатини яхшилашга қаратилган бўлса, кечки машғулотда футболчилар қўпроқ тўп билан машқлар бажаришади.

“Металлург” жамоаси аъзолари Дониёр Одилов ва Дилмурод Каримов, “Нефтчи” ҳужумчиси Отабек Ҳайдаров, “Обод”дан Обид Ҳакимов ва Фарҳод Мираҳматов каби янги футболчилар машғулотларда фаол иштирок этмоқда. “Динамо” жамоасидан келган ҳимоячи Шохрух Ҳолматов хориж клубидан таклиф олганлиги сабабли "Сўғдиёна" лагерини тарк этди.

Ўтган масумда эсда қоларли ҳаракатлари билан жиззахлик мухлислар меҳрини қозонган Ихтиёр Тошпўлатов яна “Сўғдиёна”да.

Шунингдек, Ширинбой Абдуллаев, Иззатилла Абдуллаев, Шерзод Жалилов, Шохрух Достонов, Азамат Исроилов, Элёр Орифов, Сардор Эминов, Сардор Қулматов билан шартнома муддати узайтирилди.

Машғулотлар хозирча Жиззахда давом этмоқда . Белгиланган режага кўра йиғиннинг иккинчи ярми Тошкентда давом эттирилади.Тошкентдаги йиғин давомида бир қанча жамоалар билан ўртоқлик учрашувлари ўтказилиши режалаштирилган ҳамда бир нечта футболчиларнинг келиши кутилмоқда. Улар ҳақида кейинроқ расмий манбаларимиз орқали батафсил маълумот берамиз.

"Сўғдиёна" сафида беш нафар янги футболчи бор