Маълумотларга кўра, ФИФА интизом қўмитаси раҳбари Мария Клаудиа Рохас ЖЧ-2018 олдидан допинг бўйича юрист ва эксперт ҳисобланган Ричард Макларен мустақил антидопинг текшируви ўтказишга ҳалақит берган.

2017 йилнинг августида Маклерен ФИФАнинг Цюрихдаги штаб квартирасида Рохас билан учрашмоқчи эди. У Россия спортидаги допинг иши бўйича текширувлар борасида янги маълумотларни муҳокама қилмоқчи бўлган. Учрашувга бир неча кун қолганида Рохас Цюрихга бора олмаслигини маълум қилди.

2017 йилнинг сентябрида Рохас Макларенга электрон хат юборади ва унга ФИФАда иш таклиф қилади. Шу билан бирга Рохас Макларендан ҳамкорликнинг аниқ режаларини тақдим этишни сўрайди. Макларен рози бўлади ва ой охирида россиялик спортчилардан янги допинг анализларини олишини айтади.

29 сентябрда канадалик эксперт йиғилган материаллар билан хат юборади. Ёзишмалар 2018 йилнинг январигача давом этади. Кейинроқ ФИФА вакили ВАДАдан мустақил антидопинг текширувини ўтказа оладиган ташкилотни тавсия қилишни сўрайди. Шундан сўнг Макларен Рохасдан нималар бўлаётганини сўради. Рохас эса энди иш билан интизом қўмитаси эмас, ФИФАнинг антидопинг бўлими шуғулланишини маълум қилди.

Бир муддат ўтиб ФИФА Маклареннинг текширувларига катта маблағ кетиши ва шу сабабли мустақил текширувчилар керак эмаслигини маълум қилди. Шундай қилиб, Рохас Россиядаги ЖЧ олдидан мустақил текширувнинг олдидан олди.

"Музокараларимиз нега чўзилиб кетганини энди тушундим. Саҳна ортида бир нималар бўлган экан. Улар умуман текширув ўтказишни истамаган экан" - дейди Макларен.

Spiegel сирларни очишда давом этмоқда