Malumotlarga ko'ra, FIFA intizom qo'mitasi rahbari Mariya Klaudia Roxas JCH-2018 oldidan doping bo'yicha yurist va ekspert hisoblangan Richard Maklaren mustaqil antidoping tekshiruvi o'tkazishga halaqit bergan.

2017 yilning avgustida Makleren FIFAning Cyurixdagi shtab kvartirasida Roxas bilan uchrashmoqchi edi. U Rossiya sportidagi doping ishi bo'yicha tekshiruvlar borasida yangi malumotlarni muhokama qilmoqchi bo'lgan. Uchrashuvga bir necha kun qolganida Roxas Cyurixga bora olmasligini malum qildi.

2017 yilning sentyabrida Roxas Maklarenga elektron xat yuboradi va unga FIFAda ish taklif qiladi. Shu bilan birga Roxas Maklarendan hamkorlikning aniq rejalarini taqdim etishni so'raydi. Maklaren rozi bo'ladi va oy oxirida rossiyalik sportchilardan yangi doping analizlarini olishini aytadi.

29 sentyabrda kanadalik ekspert yig'ilgan materiallar bilan xat yuboradi. Yozishmalar 2018 yilning yanvarigacha davom etadi. Keyinroq FIFA vakili VADAdan mustaqil antidoping tekshiruvini o'tkaza oladigan tashkilotni tavsiya qilishni so'raydi. Shundan so'ng Maklaren Roxasdan nimalar bo'layotganini so'radi. Roxas esa endi ish bilan intizom qo'mitasi emas, FIFAning antidoping bo'limi shug'ullanishini malum qildi.

Bir muddat o'tib FIFA Maklarenning tekshiruvlariga katta mablag' ketishi va shu sababli mustaqil tekshiruvchilar kerak emasligini malum qildi. Shunday qilib, Roxas Rossiyadagi JCH oldidan mustaqil tekshiruvning oldidan oldi.

"Muzokaralarimiz nega cho'zilib ketganini endi tushundim. Sahna ortida bir nimalar bo'lgan ekan. Ular umuman tekshiruv o'tkazishni istamagan ekan" - deydi Maklaren.

Spiegel sirlarni ochishda davom etmoqda